jardunaldi betea - jornada completa
Oso egun betea atzo bizi izan genuena Uribarrin, GKEk antolatua. Ez da bakarrik neguko herri bazkaria ospatu zelako, baizik eta goizean Blanka Gomez de Segurak eskainia Uribarri Ganboako eltzetegien gaineko hitzaldi mamitsu eta interesgarria eskaini zuelako ere. “Uribarriko eltzetegiak. XXI. mendeko emakume eltzegile batek azaldua” izan zen titulua eta bere azalpen joria ez ezik XX. mendeko eltzegile handiekin – horietako bat Nikolas Agirrebeitia uribarritarra- ekoizturiko bideoa proiektatu zen. Blanka txalotua izan zen bere hitzaldiaren ostean eta Rakel Ortiz de Elgeak oroigailu adierazgarri bat eskaini zion, herriko beste lanbide ohi bat adierazten duen erratza. Bertaratutakoei “Uribarri Ganboako eltzegintza” foiletoaren ale bana banatu zitzaien. Arratsaldeko 3etan ongi zerbitzatutako mahai bati ekin zitzaion eta oso berandu arte luzatu zen mahai ondokoa, tartean herriko Mus Txapelketaren lehen saioa burutu zelarik. Ez ahaztu, zeramikaren gaineko jarduera ot...